Plantun de Prouvènço

Pèr coumpara dos planto d'encò nostre

Corydalis solida & Clinopodium acinos

Corydalis solida

Papaveraceae

Nom en français : Corydale à bulbe plein.

Descripcioun :
Lou couridale, que ié dison colombina en Itàli, douno d'èr à-n-un fumo-terro renadiéu. Flouris à la debuto de la primo dins li blachiero e faio, au nostre subretout en Prouvènço preaupenco dóu levant. Se recounèis à sis enflourejado roso emé de gràndi bratèio, à si fueio di proun descoupado e peréu à si fru pendoulant e pounchu.

Usanço :
La planto es empouisounanto que caup d'alcalouïdo dangeirous e de bulbocapnino marrido pèr li tarnavello. Pamens bèn dousado, sarrien bon pèr lucha contro la malautié de Parkinson e d'ùni proublèmo de nèrvi.

Port : Erbo
Taio : 7 à 20 cm
Fueio : alterno
Tipe bioulougico : Geoufite
Cicle bioulougico : Planto renadivo

Gènre : Corydalis
Famiho : Papaveraceae

Ordre : Ranunculales

Coulour de la flour : Roso
Petalo : 4
Ø (o loungour) flour : 1,5 à 2,5 cm
Flourido : Printèms

Sòu : Ca
Autour basso e auto : 100 à 1700 m
Aparado : Noun
Mars à mai

Liò : Blachiero - Faio - Cauprenedo - Fendasclo
Estànci : Subremediterran à Mountagnard
Couroulougi : Paleoutemperado
Ref. sc. : Corydalis solida (L.) Clairv., 1811

Pichot-basile

Clinopodium acinos

Lamiaceae Labiaceae

Autre noum : Erbo-fino-Sóuvajo.

Noms en français : Calament des champs, Sariette des champs.

Descripcioun :
Lou pichot-basile trachis dins nòsti colo ounte se recounèis à si flour bèn vióuleto. Pòu èstre coume d'erbo o lignouso à la baso. Li fueio, frisado, dounon uno bono óudour.

Usanço :
Li fueio de pichot-basile soun manjadisso, poudès vous n'en servi coume sabourun, coume la ferigoulo.

Port : Erbo
Taio : Pancaro entresigna
Fueio : óupousado
Tipe bioulougico : Teroufite
Cicle bioulougico : Planto de l'an

Gènre : Clinopodium
Famiho : Lamiaceae
Famiho classico : Labiaceae

Coulour de la flour : Vióuleto
Petalo : irreguliero
Ø (o loungour) flour : Pancaro entresigna
Flourido : Printèms

Sòu : Ca
Autour basso e auto : Pancaro entresigna
Aparado : Noun

Liò : Garrigo - Tepiero seco - Roucaio
Estànci : Pancaro entresigna
Couroulougi : Pancaro entresigna
Ref. sc. : Clinopodium acinos (L.) Kuntze,1891 (= Acinos arvensis Lam. )

Partisoun en Prouvènço : CCC à C : mai o mens coumuno ; R à RRR : pulèu o forço raro ; "ges" dins aquéu relarg.

CCC

Corydalis solida & Clinopodium acinos

ges

Coumpara Couridale emé uno autro planto

Coumpara Pichot-basile emé uno autro planto